jueves, 3 de agosto de 2017

PROGRAMACIÓN COMPLETA DESORDES CREATIVAS & SONORAS 2017







DESORDES CREATIVAS: Festival Internacional de Arte na Rúa / International Urban Art Festival 
Do 7 ao 13 de Agosto / From the 7th to the 13th of august.
Ordes ( A Coruña - Galiza )

DESORDES SONORAS: Sábado 12 de Agosto

PROGRAMA COMPLETO:

INTERVENCIÓNS ARTÍSTICAS: Dende o 7 ao 13 de agosto.
As/0s artistas convidadas/os estarán pintando ou intervindo en distintos espazos da vila durante tódolos días do festival. O visitantes poderán moverse polas distintas localizacións pra ver traballar aos artistas durante todo o proceso. Asistencia libre.

ARTIST@S CONVIDAD@S e LOCALIZACIÓNS:
Xoana Almar (Galiza) - As Casillas nº 4
SpY urbanart (Madrid) - Praza do Campo da Feira
Ericailcane (Italia) - Rúa do Recreo nº 75
Bastardilla (Colombia) - Rúa Alfonso Senra nº 36
Saturnoart (Cataluña) - IES nº 1 de Ordes - Rúa Nicolás del Río s/n
Carlos Goma (Almería) - Rúa do Camposanto nº 25

MASTER CLASS con SEKONE: "O realismo no graffiti":  Mércores 9 e xoves 10 de Agosto

Durante estas dúas xornadas teremos unha clase maxistral impartida polo polifacético artista galego Miguel Ruiz (aka Sekone), titulada "O realismo no graffiti", na que o alumnado adentrarase na complexa técnica do aerosol para realizar un retrato realista co asesoramento do artista.
Datas: mércores 9 e xoves 10 de agosto
Horarios: De 10:00 a 14:00 e de 16:00 a 20:00 h.
Lugar: Parque da Constitución s/n, Ordes.
Asistencia como alumnado, con previa matrícula.
Asistencia como público, de balde.

SEMINARIO con JAVIER ABARCA: “Unha introdución ao graffiti”:  Sábado 12 de Agosto
No seminario titulado "Unha introdución ao graffiti", impartido polo reputado investigador sobre arte urbana Javier Abarca, fundador da web de referencia neste eido Urbanario: graffiti y arte urbano , levarase a cabo unha análise sobre o fenómeno do graffiti dende a época clásica ata a época comtemporánea.
Data: sábado 12 de agosto
Lugar: salón de plenos do Parque da Constitución
Horarios: de 11:30 a 13:30 h. e de 17:00 a 19:00 h.

A entrada será gratuíta. Prazas ata completar aforo.

EXHIBICIÓN DE PINTURA EN DIRECTO con NÖMADA:  Sábado 12 de agosto
Por outra parte, durante toda a xornada do sábado 12 e tamén no mesmo parque, teremos unha exhibición de pintura en directo por parte do artista almeriense Miguel Peralta (a.k.a. Nömada), e membro de Cestola na Cachola, que decorará o escenario dos concertos.
Data: sábado 12 de agosto
Lugar: Parque da Constitución
Horarios: de 11:00 a 21:00 h.
Asistencia libre.

SESIÓN VERMÚ con Sabela King & The Heartbreakers: Sábado 12 de agosto 
O mesmo día e entre medias do seminario de Javier Abarca e no mesmo Parque da Constitución, ao mediodía, teremos unha Sesión Vermú co concerto da banda de Soul-Blues Sabela King & The HeartBreakers. 

Data: sábado 12 de agosto
Lugar: Parque da Constitución
Horarios: a partir das 13:00 h.

ROTEIRO GUIADO polas obras do festival: Sábado 12 de agosto / 19:30 h.
Ao rematar a segunda parte do seminario, ás 19:30 h. percorreremos a vila visitando gran parte das obras do festival cun Roteiro guiado polo equipo de Mutante Creativo, que arrincará do Parque da Constitución, con asistencia gratuíta.
Data: sábado 12 de agosto
Horario: De 19:30 h. a 21:00 h.
Lugar de saída: Parque da Constitución
Asistencia de balde.

DESORDES SONORAS: Sábado 12 de agosto / A partir das 22:00 h. / Entrada de Balde / Parque da Constitución, Ordes
E como colofón, esa mesma noite desfrutaremos dunha ecléctica noite de concertos coas actuacións das seguintes bandas:
XENDERAL ( Galiza - Dancehall/HipHop)
Santiuve & Da Zoo Bros (Alicante - Hip hop)
Los Bengala (Zaragoza - Rock&Roll/Garage)
IGMIG (Galiza - Inclasificables)
BIGOTE MIX (Galiza - Dj Session)

martes, 1 de agosto de 2017

SEMINARIO con JAVIER ABARCA: "UNHA INTRODUCIÓN AO GRAFFITI"




SEMINARIO CON JAVIER ABARCA: "UNHA INTRODUCIÓN AO GRAFFITI"

Catro horas de clase teórica con Javier Abarca.
12 de agosto 2017 / De 11:30 a 13:30 h. e de 17:00 a 19:00 h.
Lugar: Salón de Plenos (Parque da Constitución)
Entrada de balde / Ata rematar aforo

Neste breve seminario compartiremos claves para entender e apreciar mellor o graffiti. Percorreremos a historia do fenómeno, dende a época clásica ata os nosos días, e estudaremos a fondo ao espectacular graffiti que invadíu o metro de New York nos setenta.

––––––––––––––––––––––––––––––––––––

Javier Abarca (Madrid 1973) é artista, investigador e docente especializado no graffiti e arte urbana. Figura principal da primeira xeración do graffiti español, impartíu entre 2006 e 2015 unha asignatura sobre graffiti e arte urbana na Facultade de Belas Artes da Universidade Complutense de Madrid en Aranxuez. Fundou a web Urbanario en 2008.

Abarca é un especialista recoñecido na escena internacional e presencia habitual en congresos e festivais europeos. A súa tesis (2010) e os seus textos son citados frecuentemente na literatura especializada. Desenvolveu traballos de docencia, crítica, comisariado e direción de eventos para museos e institucións de España e Europa.

O traballo de Abarca caracterízase por tratar aspectos esenciais do graffiti e a arte urbana tales coma a exploración dos márxenes, a atención ao contexto, a escala humana ou as obras en rede. Un espazo de traballo alonxado da monumentalidade e o "kitsch" que hoxe caracterizan á concepción maioritaria da arte urbana.

Máis info:
http://javierabarca.es/
http://urbanario.es/
------------------------------------------------

PROGRAMA

De 11:30 a 13:30h
“O graffiti na historia”

Os antecedentes históricos do graffiti son sorprendentemente abondosos, e amosan cómo a escritura informal nas paredes formou parte da normalidade cotiá de todos os estratos sociais, na maioría de épocas e lugares: dende a época clásica ata o século XX, pasando pola idade media ao romanticismo.

De 17:00 a 19:00h
“O graffiti do metro de New York“

A forma do graffiti máis importante é sen dúbida a que naceu en New York nos setenta e que, a partir dos oitenta, foi conquistando o mundo. Esta clase estuda o xénese e a historia do fenómeno no seu escenario orixinal do metro neoiorquino. Dende as primeiras firmas a finais dos sesenta, pasando polos espectaculares letreiros do tamaño dun vagón dos setenta e oitenta, ata a desaparición do fenómeno en 1989.

jueves, 27 de julio de 2017

MASTER CLASS de SEKONE ( O Realismo no Graffiti )


Está aberto o prazo de inscrición pra a  MASTER CLASS de SEKONE ( O Realismo no Graffiti ) que terá lugar durante o vindeiro DesOrdes Creativas 2017, durante os días 9 e 10 de agosto.
Lee aquí toda a información ao respecto e segue as instruccións pra apuntarte:

Info:
Miguel Ruiz Díaz a.k.a. Sekone, artista multidisciplinar a cabalo entre o debuxo, a pintura, o deseño gráfico e o muralismo. A súa permanente curiosidade empúrrao a explorar diversos medios pictóricos, o que dá como resultado unha obsesión polo coidado do detalle e o perfeccionamento da técnica, saltando dun medio a outro e creando un discurso que bebe a partes iguais da nostalxia, o absurdo, o cotiá e a súa propia intimidade vital e creativa.
O polifacético artista SEKONE ( http://ssssekone.tumblr.com/ ), impartirá un master class sobre o REALISMO NO GRAFFITI, na que se emprazará ao alumno/a a realizar unha obra propia co asesoramento do artista. 
O PRAZO DE INSCRICIÓN REMATA O DOMINGO 6 DE AGOSTO. 
A asistencia é GRATUÍTA ata rematar prazas (só 8 prazas). Segue as instruccións que aparecen a continuación e INSCRÍBETE. 
----------------------------------------------------------- 
Esta actividade está pensada e vai dirixida a un público obxectivo relacionado coas artes plásticas, que teña algún tipo de experiencia, formación ou relación coa arte.
- LUGAR: Ordes (enderezo por confirmar)
- DATAS: 9 e 10 de agosto
- HORARIOS: De 10:00 h a 14:00 h e de 16:00 h. a 20:00 h.
- MATRÍCULA: Inscrición gratuíta ata cubrir prazas (8 prazas)
- PRAZO DE INSCRICIÓN: ata o domingo 6 de agosto. 
----------------------------------------------------------- 
INSCRICIÓN:
- Os/as interesados/as enviar un email a esta dirección de correo: desordes@mutantecreativo.com 
INDICANDO OS SEGUINTES DATOS:
- MASTER CLASS: “ Realismo no graffiti ”
- NOME E APELIDOS
- IDADE
- TELÉFONO e EMAIL
- FORMACIÓN
( Experiencia profesional, estudos relacionados, cursos, etc)
- PORTFOLIO ADXUNTO OU LINK AO TEU PORTFOLIO/WEB/BLOG ou similar